کراچی(نیوزڈیسک) پولیس نے گزشتہ روز ناگن چورنگی کے قریب گاڑی میں فائرنگ کے واقعے کے 2 الگ الگ مقدمات درج کرلیے ہیں۔کراچی میں گزشتہ روز شاہراہ نور جہاں پر ناگن چورنگی کے قریب نامعلوم موٹر سائیکل سواروں نے ایک ایسی گاڑی پر فائرنگ کی تھی جو پولیس موبائل سے مماثلت رکھتی تھی۔ واقعے میں 10 سالہ بچی سمیت 3 افراد جاں بحق ہوگئے تھے۔ پولیس نے متعلقہ تھانے میں 2 الگ الگ مقدمات درج کرلیے ہیں۔
ایک مقدمہ نامعلوم افراد کے خلاف درج کیا گیا ہے جس میں قتل، اقدام قتل اور انسداد دہشتگردی کی دفعہ 7 لگائی گئی ہے جب کہ دوسرا مقدمہ سٹی وارڈن کے موٹر ٹرانسپورٹ آفیسر کے خلاف درج کیا گیا،جس میں جعلی سازی اور دھوکہ دہی کی دفعات شامل ہیں۔