میانوالی(نیوز ڈیسک) چشمہ بیراج کے مقام پر ایک ماہ کے دوران ملنے والی لاشوں کی تعداد 34 ہو گئی۔ تفصیلات کے مطابق پولیس حکام کا کہنا ہے کہ میانوالی میں چشمہ بیراج کے مقام سے 6 افراد کی مزید لاشیں ملیں ہیں جس کے بعد ایک ماہ کے دوران ملنے والی لاشوں کی تعداد 34 ہو گئی ہے۔ پولیس حکام نے چشمہ بیراج سے ملنے والوں لاشوں کے اشتہارات دینے کا حکم دے رکھا ہے، لاشوں کے اشتہارات دینے کا مقصد لواحقین اور لاشیں پھینکنے کے مقام کا پتہ چلانا ہے، لاشیں کالاباغ کی ٹاؤن میونسپل ایڈمنسٹریشن امانتاً دفنا دیتی ہے۔پولیس ذرائع کا کہنا ہے کہ زیادہ تر لاشوں کی ٹانگیں، بازو یا سر کٹے ہوتے ہیں، لاشیں خیبر پختونخواہ سے پھینکی جاتی ہیں جو چشمہ بیراج پہنچنے تک گل سڑ جاتی ہیں اور ان کی شناخت نہیں ہو پاتی۔