لاہور( نیوز ڈیسک) پنجاب پولیس کی طرف سے ہاتھی کو ہرن بنانے کے کارنامے کا انکشاف ہوا ہے ،سات ملزمان سے قتل،ڈکیتی اور اسٹریٹ کرائم کی درجنوں وارداتوں کا اعتراف کروایا گیا لیکن دوبارہ تفتیش کرنے پر تمام ملزمان بے گناہ نکلے،ناروا سلوک کا ازالہ کرنے کیلئے ساتوں افراد کو رہائی کے ساتھ ساتھ دس ہزار فی کس نقدی بھی دی گئی ۔نجی ٹی وی کے مطابق پولیس نے ساتوں ملزمان پر اتنا تشدد کیا کہ انہوں نے ڈر کے مارے قتل ، ڈکیتی اور رہزنی جیسی سنگین وارداتوں کا اعتراف کر لیا۔سی آئی اے نے دوبارہ تفتیش کی تو معلوم ہوا کہ پولیس نے ہاتھی کو ہرن بنانے کا کارنامہ سرانجام دیا تھا۔ایس پی سی آئی اے عمر ورک نے ملزمان کے بے قصورثابت ہونے پر نہ صرف ان کی ہتھکڑیاں کھلوادیں بلکہ ہر شخص کو دس ،دس ہزار روپے نقد بھی دئیے