اسلام آباد (نیوزڈیسک)پاکستان تحریک انصاف کے مرکزی سیکرٹری اطلاعات نعیم الحق نے کہا ہے کہ پرویز رشید الٹ پلٹ کی بجائے بھارتی خفیہ ایجنسیوں کی پاکستان میں سرگرمیوں پر قوم کو جگا دیں جبکہ کل بھوشن یادیو آئی ایس آئی کی گرفت میں آیا ہے پرویز رشید اور ان کے وزیراعظم بھی زبانیں زنگ آلود ہوچکی ہیں۔ اپنے ایک بیان میں انہوں نے کہا کہ بھارت میں نواز شریف کی اولاد کے کاروبار کی خاطر سینکڑوں شہریوں کو ”را“ کی خون آشام کارروائیوں کی بھینٹ چڑھایا جارہا ہے ۔ انہوں نے کہا کہ آموں اور ساڑھیوں کے نذرانے بھیج کر نجی تقریبات میں انہیں مدعو کرنے والے نواز شریف نے خطرناک بھارتی ایجنٹ کی گرفتاری کے بعد بھارتی وزیراعظم سے بات تک کرنے کی جسارت نہیں کی کل بھوشن یادیو کے بیان سے واضح ہے کہ بھارت کو پاکستان توڑنے کی فکر ہے جبکہ نواز شریف اپنے خاندان کے کاروبار کو مستقبل کیلئے پریشان ہیں پرویز رشید بتائیں نواز شریف کی رمضان شوگر ملز میں کتنے بھارتیوں کو پناہ دی جاتی ہے گلشن اقبال پارک میں سینکڑوں معصوم شہریوں کے خون سے ہولی کھیلنے والوں سے پرویز رشید کے جماعت کے دیرینہ مراسم ہیں پنجاب میں مسلم لیگی وزراءشریف برادران کی ایماءپر دہشتگردوں کو تحفظ فراہم کرتے آئے ہیں پرویز رشید بتائیں فوج کی جانب سے پنجاب میں دہشتگردوں کے تعاقب پر ان کی جماعت اور حکومت کیوں بے چین ہے پرویز رشید قوم کو بتائیں ان کی جماعت کے کون سے عہدیداران شریف برادران کیلئے دہشتگردوں سے رابطہ کار کا کردار ادا کرتے ہیں۔