لاہور( نیوز ڈیسک)لاہور ہائیکورٹ کے 11ایڈیشنل ججز کی کارکردگی اور فیصلوں کی رپورٹ سپریم کورٹ بھجوا دی گئی ۔چیف جسٹس آف پاکستان جسٹس انور ظہیر جمالی کی زیر صدارت جوڈیشل کمیشن کے اجلاس میں مذکورہ ججز کی مستقلی کا فیصلہ کیا جائے گا۔ ذرائع کے مطابق چیف جسٹس لاہور ہائیکورٹ جسٹس اعجاز الاحسن کی منظوری کے بعد ہائیکورٹ میں فرائض سر انجام دینے والے 11ایڈیشنل ججز کی کارکردگی اور فیصلوں کے حوالے سے رپورٹ سپریم کورٹ بھجوا دی گئی ۔ جن ججز کی کارکردگی رپورٹ بھجوائی گئی ہے ان میں جسٹس حافظ شاہد ندیم کاہلوں کو ، جسٹس شاہد مبین ، جسٹس سردار احمد نعیم ،جسٹس مشتاق احمد تارڑ، جسٹس فرخ گلزار اعوان، جسٹس ارم سجاد گل ، جسٹس راجہ شاہد محمود عباسی ، جسٹس اسلم جاوید منہاس، جسٹس شہرام سرور چوہدری ،جسٹس محمد ساجد محمود سیٹھی اور جسٹس سردار محمد سرفراز ڈوگر شامل ہیں۔