لاہور(نیوز ڈیسک)پنجاب میں بھی دہشت گردی کی بڑی سازش ناکام بنادی گئی،سرگودھا میں مرغیاں لے جانے والی گاڑی کے خفیہ خانوں سے کلاشنکوف، ریپیٹر ، پستول اور ہزاروں کارتوس پکڑے گئے ،3 مبینہ دہشت گرد بھی گرفتار کرلیے گئے۔ عمران اللہ، محمد طارق اور محمد صدیق نامی ملزمان خیبر پختونخوا کے ضلع لکی مروت سے اسلحہ لے کر نکلے تھے کہ سرگودھا میں دھر لیے گئے۔ مرغیوں سے بھری گاڑی کو چیک کیا گیا تو نیچے سے 70 پستول، 2 رپیٹر، 2 کلاشنکوف اور 20ہزار سے زائد گولیاں بآمد ہوئیں۔ گرفتار ملزموں کا سرغنہ شوکت خان اسلحے کا بڑا سمگلر بتایا جاتا ہے جس کی گرفتاری کے لئے چھاپے مارے جارہے ہیں۔