اسلام آباد(نیوزڈیسک)پاکستان تحریک انصاف کے چیئر مین عمران خان نے وفاقی حکومت کی ان کوششوں پر افسوس کااظہار کیا ہے جو خیبر پختون خوا کے احتسا ب کمیشن کی طرف سے سیاستدانوں اور سیاسی رہنماﺅں سمیت سب کے احتساب سے روکنے کےلئے کی جارہی ہیں اور کہا ہے کہ کرپشن کے خلاف جنگ اور احتساب کےلئے مضبوط خود مختار ادارے کا قیام پاکستانی عوام سے تحریک انصاف کا اہم وعدہ ہے اور ہم نے کرپشن کے خاتمہ اور کرپٹ لوگوںکے احتساب کا عزم کر رکھا ہے۔ منگل کو جاری ہونے والے ایک بیان میں عمران خان نے کہاکہ جب تحریک انصاف نے خیبر پختون خوا میں حکومت بنائی تو اس نے اپنے وعدوں پر عملدر آمد شروع کیا ہم نے خود مختار احتساب کمیشن بنانے کےلئے دو سال لگائے اور صوبائی اسمبلی میں تمام سیاسی جماعتوں کی حمایت حاصل کی ۔اب یہ جماعتیں مزاحمت کی کوشش کررہی ہیں کیونکہ ٹھوس احتساب کےلئے تیار نہیں انہوںنے کہاکہ سب سے پہلے پی ٹی آئی اے ایک وزیر اور ایک رکن صوبائی اسمبلی کے والد کو پکڑا گیا ہے انہوںنے بد قسمتی سے وفاقی حکومت صوبائی احتساب کمیشن کےلئے اسلام آباد میں چھپے ہوئے مجرموں کی گرفتاری میں مشکلات کھڑی کررہی ہے ان لوگوں کو واضح طورپر کرپشن اور بد عنوانی کر نے کے بعد بچ جانے کا موقع دیا جارہا ہے کیونکہ یہاں کرپشن کو بے نقاب کر نے کی بجائے مک مکا کی روایت چل رہی ہے اس قسم کے اقدامات ہمارے لئے ناقابل قبول ہیں ہم نے سیاستدانوں اور سیاسی جماعتوں کے رہنماﺅں کی گرفتاری سے روکنے کےلئے کئے گئے اقدامات کا مقابلہ کر نے کا عزم کر رکھا ہے یہ لوگ صوبائی احتساب کمیٹی کو مطلوب ہیں ہم کرپشن کر نے والے ہر مجرم کو احتساب قانون کے تحت محاسبہ کرینگے ۔عمران خان نے کہاکہ کسی کو ہمارے عزم کا شک نہیں ہونا چاہیے ہم نے کرپشن کے خاتمے اور مجرموں کو سزا دینے کا عزم کر رکھا ہے ۔