اسلام آباد (نیوزڈیسک) اسلامی نظریاتی کونسل نے عورتوں کے ہاتھ، چہرے اور پاﺅں کا پردہ مستحب قرار دےتے ہوئے کہا ہے کہ ہاتھ، چہرے اور پاﺅ ں کا پردہ واجب نہیں، مستحب ہے۔اسلامی نظریاتی کونسل کا اجلاس مولانا محمد خان شیرانی کی زیر صدارت اسلام اذباد میں ہوا، اجلاس میں شرعی پردہ کے احکام سے متعلق امور زیر غور آئے، کونسل نے عورتوں کے ہاتھ، چہرے اور پاﺅں کا پردہ مستحب قرار دے دیا، مولانا محمد خان شیرانی نے کہاکہ ہاتھ، چہرے اور پاﺅں کا پردہ واجب نہیں، مستحب ہے، اگر خاتون کو معاشرتی طور پر کوئی خطر ہ محسوس ہو تو یہ واجب ہو جاتا ہے، کونسل نے لڑکے لڑکیوں کیلئے علیحدہ تعلیمی ادارے قائم کرنے کی سفارش کر دی۔خواجہ سرا سے متعلق مولانا شیرانی نے کہا کہ خواجہ سرا جس خاندان میں پیدا ہوگا، آئین کے آرٹیکل 35کے تحت اسی کا حصہ ہوگا، دو روزہ اجلاس کے پہلے روز بچوں کو جسمانی سزا کے امتناعہ سے متعلق مسودہ بل بھی زیر غور آیا۔