اسلام آباد(آن لائن ) وزیر داخلہ چوہدری نثار علی خان نے پاسپورٹ کی تجدید کے عمل کو مزید آسان بنانے کی ہدایت کردی ہے ، ان احکامات کی روشنی میں اب پاسپورٹ کی تجدیدملک اور بیرون ملک واقع پاسپورٹ کے کسی بھی دفتر سے کرائی جاسکے گی ،پرانے ضابطہ کارکے تحت پاسپورٹ کی تجدید صرف شناختی کارڈ پر درج شہر سکونت سے ہی کرائی جاسکتی تھی۔ترجمان وزارت داخلہ کی جانب سے جاری بیان کے مطابق عوامی مشکلات کے تدارک اور حکومتی اداروں کے نظام کی بہتری کے لیے میڈیا کی رہنمائی حوصلہ افزاءہے۔وزیر داخلہ نے میڈیا رپورٹس کا نوٹس لیتے ہوئے ڈی جی پاسپورٹ کو ایک ماہ کے اندر اس نئی پالیسی پر عملدرآمد کا حکم دیا ہے۔