پشاور(نیوزڈیسک)خیبر پختونخوا کے بلدیاتی انتخابات میں گورنرسردارمہتاب احمدخان کے صاحبزادے اور وزیراعلی پرویز خٹک کے بھتیجے بھی کامیاب ہوگئے ہیں۔بلدیاتی انتخابات میں گورنر خیبر پختونخوا سردارمہتاب احمدخان کے صاحبزادے کامیاب ہوگئے ہیں۔ ایبٹ آباد کی ضلع کونسل ممبر کی نشست پر ہونے والے انتخاب میں گورنر خیبرپختونخوا کے صاحبزادے شمعون یار عباسی کامیاب ہوگئے ہیں ۔ شمعون یار عباسی 2970 ووٹ لے کر کامیاب ہوئے۔شمعون یار عباسی کا مسلم لیگ ن سے تعلق ہے۔ شمعون یار عباسی نے تحریک انصاف کے مبین عباسی کو ہرایا۔ جنہوں نے 1762 ووٹ لیے۔ادھرضلع کونسل نوشہرہ وارڈ مانکی شریف سے پی ٹی آئی کے احد خان خٹک 3826ووٹ لیکر کامیاب ہوگئے احد خان خٹک وزیراعلی خیبرپختونخوا کے بھتیجاہے۔