لاہور (نیوزڈیسک) کاﺅنٹر ٹیرازم ڈیپارٹمنٹ نے مسجد کے باہر تحریب کاری کی منصوبہ بندی کرنے والے کالعدم تنظیم کے اہم رکن کو گرفتار کر لیا ، ملزم سے تخریب کاری میں استعمال ہونے والا مواد اور مذہبی منافرفت پر مبنی لٹریچر برآمد کر کے مقدمہ درج کر لیا گیا ۔ نجی ٹی وی کے مطابق کاﺅنٹر ٹیرازم ڈیپارٹمنٹ نے کامیاب کارروائی کرکے لاہور کے علاقہ جوہر ٹاﺅن میں ایک مسجد کے باہر سے کالعدم تنظیم کے اہم رکن دانیا ل کو گرفتار کر لیا ۔ ملزم مسجد کے باہر تخریب کاری کی منصوبہ بندی کر رہا تھا ۔ ملزم کے قبضے سے تخریب کاری میں استعمال ہونے والا مواد اور مذہبی منافرت پر مبنی لٹریچر بھی برآمد کیا گیا ہے ۔ نجی ٹی وی نے بتایا کہ ملزم کا تعلق کالعدم تنظیم حزب التحریر سے ہے جس کےخلاف تھانہ سی ٹی ڈی میں مقدمہ درج کر لیا گیا ہے ۔