اسلام آباد (نیوز ڈیسک)بے نظیر انٹرنیشنل ایئر پورٹ اسلام آباد پر دبئی سے آنے والی پرواز کے مسافروں میں جھگڑا ہو گیا۔ بے نظیر انٹرنیشنل ایئر پورٹ اسلام آباد سے پر دبئی سے آنے والی نجی پرواز ای کے 152 صبح 8 بجے اسلام آباد پہنچی۔ مسافروں کے مطابق جھگڑا ایف آئی اے امیگریشن کی بد انتظامی کے باعث پیش آیا، ایئر پورٹ پہنچنے پر ایف آئی اے امیگریشن کے ایک افسر نے مسافروں کی لمبی لائنوں کو توڑ دیا جس کے بعد مسافروں میں تکرا رشروع ہو گئی اور مسافر آپس میں دست و گریباں ہو گئے۔ انتظامیہ نے موقع پر پہنچ کر معاملہ رفع دفع کرا دیا۔