کراچی (نیوزڈیسک) کراچی کے علاقے لیاری میں پولیس نے دکان پر چھاپہ مار کر اینٹی کرافٹ گن سمیت بھاری تعداد میں مدفون اسلحہ برآمد کرلیا ہے۔ ایس ایس پی سٹی فدا حسین کی سربراہی میں پولیس نے لیاری کے علاقے لیاقت کالونی میں ایک دکان پر چھاپہ مار کر بھاری اسلحہ برآمد کرلیا ہے۔ ایس ایس پی سٹی فدا حسین کے مطابق اسلحہ دکان سے کھدائی کے دوران نکالا گیا ہے۔ برآمد ہونے والے اسلحے میں 9 ایس ایم جیز اور اینٹی کرافٹ گن شامل ہیں۔ ایس ایس پی سٹی فدا حسین کے مطابق دکان پر گینگ واروں نے قبضہ کیا ہوا تھا۔