اسلام آباد (نیوز ڈیسک) پرویز رشید کہتے ہیں آڈیو ٹیپ نے پی ٹی آئی کی حقیقت واضح کردی، دھرنا ن لیگ حکومت کیخلاف سازش تھا، عمران خان چور دروازے سے اقتدار حاصل کرنا چاہتے تھے۔
وفاقی وزیر اطلاعات پرویز رشید نے تحریک انصاف کی مبینہ آڈیو ٹیپ پر ردعمل کا اظہار کرتے ہوئے کہا ہے کہ آڈیو ٹیپ نے دھرنے کی حقیقت واضح کردی، دھرنا ن لیگ کی منتخب حکومت کیخلاف سازش تھی۔
ان کا کہنا ہے کہ تحریک انصاف چور دروازے سے اقتدار حاصل کرنا چاہتی تھی، پی ٹی وی پر حملے میں پی ٹی آئی کا نام بھی شامل کیا جانا چاہئے، وزیراعظم کیخلاف نازیبا زبان پر کارروائی کی جائے
