مانسہرہ (این این آئی)پاکستان تحریک انصاف پارلیمنٹرین کے سربراہ پرویز خٹک نے کہا ہے کہ چیئرمین پی ٹی آئی ایک ڈکٹیٹر ہے، وہ صرف پیسے والوں کے ہمدرد ہیں۔ وہ ملک کے تاحیات حکمران اور بادشاہ بننا چاہتے تھے۔جلسے سے خطاب کرتے ہوئے پرویز خٹک نے کہا کہ ہماری مرکز اور صوبے میں حکومت رہی، افسوس ہم نیا پاکستان نہ بنا سکے، تحریک انصاف نے ساڑھے تین سال ملک کیلئے کچھ نہیں کیا، چیئرمین پی ٹی آئی ملک کا تاحیات حکمران اور بادشاہ بننا چاہتے تھے۔
پرویز خٹک نے کہا کہ چیئرمین پی ٹی آئی کی کام کرنے کی نیت ہی نہیں تھی، وہ فرعون تھے، وہ کہتے تھے کہ جس کا دل کرے چلا جائے مجھے کوئی فکر نہیں۔سربراہ پی ٹی آئی پی نے کہا کہ کے پی میں حکومت صرف میری ذاتی کاوش سے بنی تھی، کے پی حکومت میں چیئرمین پی ٹی آئی کا کوئی کریڈٹ نہیں تھا، چیئرمین پی ٹی آئی نے میرے ساتھ کئی وعدے کیے، لیکن مکر گئے، ان سے قبضہ ہم لے چکے ہیں۔پرویز خٹک نے کہا کہ چیئرمین پی ٹی آئی نے بلدیاتی نمائندوں کو اختیار دینے سے منع کیا، محمود خان کو کہا کہ بلدیاتی نمائندوں کو اختیار دو گے تو مست ہو جائیں گے، ہم بلدیاتی نظام کو درست کریں گے۔
