لاہور( این این آئی)پنجاب کے صوبائی دارالحکومت میں ادویات کی قلت شدت اختیار کرگئی، شہر کے مختلف میڈیکل اسٹورز پر 120 سے زائد ادویات کی قلت ہے۔بتایا گیا ہے کہ اس وقت لاہور میں امراض قلب، بلڈپریشر ہیپرین سمیت دیگرخون کی کلاٹنگ ختم کرنے والی دوائیں موجود نہیں، شوگر کی دوا سمیت مختلف انسولین بھی لاہورمیں نایاب ہیں۔پارکنسنزڈیزیز، اسٹروک، فٹس، ایپی لیپسی کیلئے ادویات مارکیٹ سے غائب ہیں جبکہ ہیپاٹائٹس کے مریضوں کیلئے دوا یپامرز بھی مارکیٹ میں موجود نہیں۔

انفیکیشن، ڈائریا کی ادویات، کھانسی کے سیرپ گردوں، جگرکی ادویات اورسرجری میں استعمال میڈیسن بھی مارکیٹ میں دستیاب نہیں، پولی فیکس، پایوڈین سمیت زخموں کے لئے استعمال کریمز بھی میڈیکل اسٹورزپرمیسر نہیں۔فارماکمپنیز کا کہنا ہے کہ ڈالرکاریٹ بڑھنے کی وجہ سے خام مال بہت مہنگاہوگیا، ڈریپ کے مقرر کردہ ریٹس پر ادویات کی فروخت ممکن نہیں،ایل سیز کھولی جائیں اورادویات کی قیمتوں میں اضافہ کیا جائے۔