ٹھٹھہ (امین این آئی) ٹھٹھہ میں جھرک کے قریب قومی شاھراہ پر تیز رفتار مسافر وین اور ٹرک میں خوفناک تصادم کے نتیجے میں دو خواتین اور ایک بچی سمیت سات ا فراد جاں بحق اور دس زخمی ہوگئے ۔”این این آئی ”کو ملنے والی تفصیلات کے مطابق کہ مسافر وین حیدرآباد سے ٹھٹھ جا رہی تھی کہ جھرک کے قریب ایک تیز رفتار ٹرک سے خوفناک ٹکر ہوگئی ،فوری طور پر مقامی افراد جائے حادثہ پر پہنچے جنہوں نے جاں بحق ہونے والے سات افراد کی نعشوں سمیت تمام زخمی دس افراد کو قریبی جھرک ہسپتال ہنگامی طور پر منتقل کردیا اس سلسلے میں بتایا جاتا ہے زخمی ہونے والے پانچ 5 زخمی مسافروں کی حالت نازک بتائی جاتی ہے ۔
حادثے میں جاں بحق ہونے والوں میں شہداد کوٹ سے تعلق رکھنے والے 25 سالہ نادر علی بروھی، کوٹری سے تعلق رکھنے والے 33 سالہ غلام حسین میمن، 56 سالہ سونڈا ٹھٹھہ کے مختیار علی، سترہ سالہ محمد علیز جس کا تعلق لودھراں پنجاب سے بتایا جاتا ہے جبکہ حیدرآباد سے تعلق رکھنے والے 55 سالہ ذالفقار علی راجپر، ایک خاتون حاجراں بھی جاں بحق ہونے والوں شامل ہے ۔معلوم ہوا ہے کہ تیز رفتار مسافر وین کے ڈرائیور غلام حسین میمن بھی جاں بحق ہوئے جبکہ حادثے کا شکار ٹرک ڈرائیور ٹرک چھوڑ کر فرار ہوگیا۔
جھرک پولیس نے مقدمہ درج کرکے حادثے کا شکار مسافر وین اور ٹرک کو اپنی تحویل میں لے لیا ۔ادھر پیپلز پارٹی کی اہم مرکزی خاتون رہنما سابق سینیٹر سسئی پلیجو نے وین اور ٹرک کے حادثے میں ہلاک ہونے والے سات افراد سمیت تمام زخمی دس افراد کے لئے گہرے دکھ اور افسوس کا اظہار کیا ہے۔
