کراچی (این این آئی)محکمہ موسمیات کی جانب سے ملک کے سب سے بڑے شہر کراچی میںآج(بدھ) سے یکم جون تک ہیٹ ویو کی پیش گوئی کی گئی ہے۔محکمہ موسمیات نے شہرِ قائدمیں موسم گرم اور مرطوب رہنے کا امکان ظاہر کیا ہے۔بدھ سے یکم جون کے دوران ہیٹ ویو کا امکان ہے۔

محکمہ موسمیات کا کہنا ہے کہ بدھ کو شہر کا درجہ حرارت 40 سے 42 ڈگری سینٹی گریڈ تک رہنے اور موسم شدید گرم و مرطوب رہنے کا امکان ہے جبکہ جمعرات کو درجہ حرارت 41 سے 43 ڈگری سینٹی گریڈ تک رہنے اور موسم شدید گرم اور خشک رہنیکا امکان ہے۔محکمہ موسمیات کے مطابق بدین، ٹھٹھہ اور سجاول میں آئندہ دنوں کے دوران درجہ حرارت 42 سے 44 ڈگری سینٹی گریڈ تک رہنے کا امکان ہے۔