اسلام آباد(مانیٹرنگ ڈیسک)روزنامہ جنگ میں شائع خبر کے مطابق ایک نئی آنے والی کتاب میں انکشاف کیاگیاہے کہ بھارتی خفیہ ایجنسی ’’را‘‘نے 1991ءمیں سابق وزیراعظم میاں نوازشریف کی گفتگوریکارڈ کرکے سابق بھارتی وفاقی وزیر سیف الدین سوزکی مغوی بیٹی کو بازیاب کرایاتھا۔

مقبوضہ کشمیرسے تعلق رکھنے والے سابق رکن پارلیمنٹ سیف الدین سوزکی بیٹی کو سری نگر سے اغواء کیا گیا تھا۔ را کے ایجنٹوں نے اس وقت چین کے دورے پر گئے ہوئے نوازشریف کی گفتگوریکارڈ کی تھی جس میں وہ اپنے وزیراطلاعات کو ہدایت دے رہے تھے کہ متعلقہ لوگوں کو کہیں کہ اغواء کا اقدام غیراسلامی ہے اورسیف الدین سوزکی بیٹی ناہید کو رہا کیا جائے۔

موضوعات:نوازشریف