ملتان (مانیٹرنگ ڈیسک) سینئر سیاسی رہنما جاوید ہاشمی نے کاغذات نامزدگی جمع کرا دیے ہیں، ایک نجی ٹی وی چینل کی رپورٹ کے مطابق سینئر سیاسی رہنما جاوید ہاشمی نے این اے 155 ملتان سے کاغذات نامزدگی جمع کرا دیے ہیں، ایک نجی ٹی وی چینل کی رپورٹ کے مطابق جاوید ہاشمی نے کاغذات جمع کراتے ہوئے کہا کہ میں آزاد حیثیت سے الیکشن لڑوں گا۔ واضح رہے کہ سینئر سیاسی رہنما جاوید ہاشمی نے یو ٹرن لیتے ہوئے آزاد حیثیت سے الیکشن لڑنے کا اعلان کر دیا ہے ،

اس سے قبل سینئر سیاستدان جاوید ہاشمی نے انتخابات میں حصہ نہ لینے کا اعلان کرتے ہوئے کہا تھا کہ انہوں نے کاغذات نامزدگی جمع نہیں کرائے بلکہ اب وہ ملک گیر انتخابی مہم چلائیں گے۔میڈیا رپورٹ کے مطابق جاوید ہاشمی نے انتخابات 2018میں حصہ نہ لینے کااعلان کردیا ہے۔ انہوں نے الیکشن نہ لڑنے کااعلان کرتے ہوئے کہاکہ مجھے اب الیکشن لڑنے میں کوئی دلچسپی نہیں ہے ٗپارٹی جوکام بھی میرے ذمہ لگائے گی وہ کروں گا۔ جاوید ہاشمی نے کہا کہ میں نے کاغذات نامزدگی جمع نہیں کروائے بلکہ اب میں ملکی سطح پر انتخابی مہم چلاؤں گا۔اس سے قبل تحریک انصاف کے امیدواروں کے اعلان کے بعد مسلم لیگ کی اعلیٰ قیادت نے جاوید ہاشمی کو پیغام بھیجوایا تھا کہ وہ اپنے معاہدے کے مطابق این اے 156سے شاہ محمود قریشی کے مقابل الیکشن میں حصہ لیں لیکن جاوید ہاشمی اس سلسلہ میں کوئی فیصلہ نہیں کر پارہے تھے جس کی وجہ سے انہوں نے کاغذات نامزدگی بھی حاصل نہیں کئے تھے اور نہ ہی لاہور میں ہونے والی پارلیمانی بورڈ کی میٹنگ میں شرکت کی تھی جس کے بعد ان کا الیکشن نہ لڑنے کا اعلان سامنے آگیا۔علاوہ ازیں جاوید ہاشمی کی بیٹی میمونہ ہاشمی کو بھی خواتین کی مخصوص نشست دینے سے انکارکردیاگیا ہے۔چار دھائیاں مسلسل سیاست کرنے والے جاوید ہاشمی اپنا پورا زور لگانے اور تمام تر جوڑ توڑ کرنے کے باوجودٹکٹ ملنے میں ناکامی پر انتخابی عمل سے باہر ہوگئے انہیں ن لیگ سمیت کسی بھی پارٹی نے ٹکٹ نہ دیا۔