لاہور(پ ر)متوقع وزیر اعظم پاکستان ،خادم پاکستان، وزیر اعلیٰ پنجاب میاں محمد شہباز شریف وزیرستان کی سرحد پر معمور افواج پاکستان کاحوصلہ بڑھانے خصوصی دورہ پر وزیرستان پہنچ گئے۔جوانوں سے ملاقات ،پاک افغان سرحد کا تفصیلی معائنہ کیا ۔سکیورٹی حکام کی جانب سے انہیں موجودہ سرحدی صورتحال پر بریفنگ دی گئی ۔واضح رہے کہ  وزیراعلیٰ پنجاب شہباز شریف کاوزیر ستان کا یہ پہلا دورہ ہے۔ وزیر اعلیٰ شہباز شریف نے دہشت گردی سے بر وقت نبردآزما ہونے کے لئے وزیرستان میں فرضی تشکیل دیے گئے تربیتی دہشتگری مراکز کا دورہ بھی کیا۔ جہاں افواج پاکستان کی دہشتگردی سے نمٹنے کی مشقوں کا بغور جائزہ لیا اور پاکستان فوج کے جوانوں کو انکی جواں مردی، پختہ عزائم اور بلندحوصلے کے لئے خوب داد بھی دی۔وزیر اعلیٰ پنجاب شہباز شریف کے اس دورہ نے یہ ثابت کر دیا کہ وہ نہ صرف پنجاب کے عوام بلکہ پورے پا کستان کے خادم ہیں۔یہ وزیر اعلیٰ پنجاب شہباز شریف کا جذبہ حب الوطنی ہے کہ اپنے سب سے بڑے مخالف عمران خان کے انتظامی صوبہ خیبر پختونخواہ کے عوام کو ڈینگی کے وار سے بچانے کے لئے اپنی خصوصی تربیت یافتہ ٹیمیں کے پی کے روانہ کیں۔ جبکہ پاکستانی معشیت کا سب سے بڑا اور اہم منصوبہ سی پیک کے تحت گوادر بندر گاہ کا قیام ملکی مفاد کے ساتھ ساتھ بلوچستان کے عوام کے لئے بے حد مفید ہے۔‎

موضوعات:شہبازشریف