راولپنڈی (مانیٹرنگ ڈیسک) عوامی مسلم لیگ کے سربراہ شیخ رشید نے ایک نجی ٹی وی چینل کے پروگرام میں گفتگو کرتے ہوئے دعویٰ کیا کہ نواز شریف نے جب سٹک پکڑا کر آرمی چیف جنرل قمر جاوید باجوہ کو اپنے سامنے بٹھایا تو فوج کی طرف سے شدید ردعمل کا اظہار کیا گیا اور کور کمانڈرز نے اس حوالے سے پہلی کور کمانڈرز کانفرنس میں آرمی چیف سے پہلا سوال اس معاملے پر کیا۔ شیخ رشید نے انکشاف کرتے ہوئے کہا کہ راحیل شریف کے چلے
جانے کے بعد نواز شریف نے آرمی چیف جنرل قمر جاوید باجوہ کو سٹک پکڑا کر سامنے بٹھایا تھا جس پر فوج کی طرف سے سخت رد عمل سامنے آیا، اس پر کور کمانڈرز نے آرمی چیف سے کہا تھا کہ اب ہم غداروں کو سر آنکھوں پر بٹھائیں گے جو منی لانڈرنگ اورکرپشن میں ملوث ہیں۔ شیخ رشید احمد نے کہا کہ آرمی چیف جنرل قمر جاوید باجوہ سے پہلی کور کمانڈرز کانفرنس میں کور کمانڈرز نے پہلا سوال کیا تھا اور اس کے بعد یہ سلسلہ چل نکلا۔
