اسلام آباد(مانیٹرنگ ڈیسک)مقررہ وقت کے اندر درخواستیں دینے والوں میں سے جس کسی کو بھی ٹکٹ دیاگیاتووہ اس کی حمایت، ان کے علاوہ چوردروازے سے مقررہ وقت کے بعد ٹکٹ حاصل کرنے کی کوشش کرنیوالے کسی امیدوار کو ٹکٹ دیاگیاتو وہ اس کی مذمت کریں گے ۔سرگودھا میں پی ٹی آئی کے امیدواروں نے ایکا کر لیا۔نجی ٹی وی کے مطابق قومی اسمبلی کے حلقہ این اے 90، پی پی 77،پی پی 78 کے امیدواروں کی طرف
سے چیئرمین پارلیمانی بورڈ کو دی گئی مشترکہ درخواست میں استدعا کی گئی ہے کہ سرگودھا کی ٹکٹوں کا فیصلہ درخواست گزارامیدواروں کی رائے کے بغیر نہ کیا جائے۔ذرائع کے مطابق پی ٹی آئی میں یہ صورت حال ن لیگی ایم پی اے نادیہ عزیز کی پی ٹی آئی میں متوقع شمولیت کے باعث پیدا ہوئی ہے۔درخواست دینے والوں میں ممتاز کاہلوں،عنصر مجید نیازی،ملک شعیب اعوان،راؤسرور،مہر منصور حیات لک و دیگرشامل ہیں۔
