کراچی (مانیٹرنگ ڈیسک) شمالی بحیرہ عرب میں پاک بحریہ اور پاک فضائیہ کی طرف سے لانگ رینج اینٹی شپ کروز میزائلوں کی فائرنگ کا کامیاب مظاہرہ کیا گیا۔ بحری مشق رباط کے اختتام پر ان میزائلوں کی فائرنگ کا مظاہرہ کیا گیا،

پاک بحریہ کے سربراہ ایڈمرل ظفر محمود عباسی اور پاک فضائیہ کے سربراہ ایئر چیف مارشل سہیل امان نے پی این ایس نصر سے میزائلوں کی فائرنگ کا مظاہرہ دیکھا۔ لانگ رینج اینٹی شپ کروز میزائل جے ایف تھنڈر 17 ایئر کرافٹ اور پاک بحریہ کے ایف 22 پی فریگیٹ پی این ایس سیف سے فائر کیے گئے، سطح سمندر سے سطح سمندر پر مار کرنے وال میزائل سی 802 پی این ایس سیف نے فائر کیا جبکہ ہوا سے سطح سمندر پر مار کرنے والا میزائل C۔802AK جے ایف تھنڈر 17 نے فائر کیا۔ اس حوالے سے پاک بحریہ کے ترجمان کا کہنا ہے کہ بحیرہ عرب میں میزائل فائرنگ کا یہ تجربہ پاک بحریہ اور پاک فضائیہ کے مشترکہ آپریشنز کی صلاحیتوں کا منہ بولتا ثبوت ہے۔ پاک بحریہ اور پاک فضائیہ کی جانب سے فائر کئے گئے میزائلوں نے اپنے اپنے اہداف کو کامیابی سے نشانہ بنایا۔ آخر میں پاک بحریہ اور پاک فضائیہ کی طرف سے مشترکہ فلائی پاسٹ کا شاندار مظاہرہ پیش کیا گیا۔  شمالی بحیرہ عرب میں پاک بحریہ اور پاک فضائیہ کی طرف سے لانگ رینج اینٹی شپ کروز میزائلوں کی فائرنگ کا کامیاب مظاہرہ کیا گیا۔ بحری مشق رباط کے اختتام پر ان میزائلوں کی فائرنگ کا مظاہرہ کیا گیا، پاک بحریہ کے سربراہ ایڈمرل ظفر محمود عباسی اور پاک فضائیہ کے سربراہ ایئر چیف مارشل سہیل امان نے پی این ایس نصر سے میزائلوں کی فائرنگ کا مظاہرہ دیکھا۔