اسلام آباد (مانیٹرنگ ڈیسک) سابق وزیر اعظم نوازشریف کے صاحبزادے حسن نواز نے فلیگ شپ کمپنی میں 62ملین روپے کی پہلی سرمایہ کاری کی، سرمایہ کاری کی رقم تینوں ملزمان کے مشترکہ اثاثوں سے زائد تھی ۔ ایک نجی ٹی وی کی رپورٹ کے مطابق حسین نواز نے سعودی عرب میں حسن کی رقم سے العزیز یہ سٹیل مل لگائی ۔ حسن نواز نے بے نامی دار کے طور پر نواز شریف کے بیرون ملک کاروبار میں مدد کی ۔ رپورٹ کیمطابق حسن نواز نے 2001میں فلیگ

شپ انوسٹمنٹ میں 7لاکھ پاؤنڈ رقم ڈالی ۔ ملزمان نے فلیگ شپ کمپنی سمیت دیگر بیش قیمت جائیدادیں حاصل کیں۔ ملزمان جائیدادیں بنانے کے ذرائع پیش کرنے میں ناکام رہے۔ ملزمان کے اثاثہ جات اور ان کی آمدن کے ذرائع میں واضع تضاد ہے۔ جے آئی ٹی کو پیش قطری سرمایہ کاری غیر حقیقی ، دھوکہ دہی پر مبنی ہے ۔ ملزمان نے غیر قانونی آمدن کی بھاری رقوم ایک دوسرے کو منتقل کیں۔ رقوم دبئی ، برطانیہ ، برٹش ورژن آئی لینڈکی کمپنیوں میں منتقل ہوئیں۔

موضوعات:حسن نواز