لاہور (مانیٹرنگ ڈیسک) سابق وزیراعظم میاں محمد نواز شریف ایک خصوصی طیارے سے لودھراں گئے، اس خصوصی طیارے کے بارے میں سوشل میڈیا پر افواہیں گردش کرتی رہیں کہ یہ پنجاب حکومت کا ہے، سوشل میڈیا پر یہ بھی کہا گیا کہ اگر یہ جہاز پنجاب حکومت کا ہے تو سابق وزیراعظم میاں نواز شریف اسے کس حیثیت سے استعمال کر رہے ہیں، سوش میڈیا پر معروف صحافی فاخر درانی نے سابق وزیراعظم نوازشریف کی جہاز سے اترنے کے بعد مختلف شخصیات سے ملاقات
کی ویڈیو شیئر کی اور ساتھ ہی یہ سوال بھی کیا کہ اگر خیبرپختونخوا کا ہیلی کاپٹر عمران خان پر حرام ہے تو پنجاب حکومت کا جہاز نواز شریف کے لیے حلال ہے؟ ان کے اس سوال پر میاں نواز شریف کی صاحبزادی نے جواب دیتے ہوئے کہا کہ یہ جہاز میرے داماد راحیل منیر کا ہے، شہباز شریف صاحب وہاں پہلے پہنچ کر میاں نواز شریف کے استقبال کے لیے موجود تھے، شکریہ۔ مریم نواز کے اس جواب پر حقیقت آشکار ہو گئی اورفاخر درانی نے اپنا ٹویٹ واپس لینے کا اعلان کردیا۔
