اسلام آباد(مانیٹرنگ ڈیسک)جاوید ہاشمی کی مسلم لیگ(ن) میں ممکنہ واپسی ،حکمران جماعت مزید اختلافات کا شکار ہوگئی ۔میڈیا رپورٹس کے مطابق جاوید ہاشمی کو واپس پارٹی میں لانے پر سابق وزیرداخلہ چوہدری نثار کی طرف شدید تحفظات کا اظہار کیا گیا ہے ۔اطلاعات  کے مطابق جاوید ہاشمی کی مسلم لیگ ن میں واپسی کے بارے میں ان کو پارٹی سے بھیجوانے والا گروپ بھی متحرک ہو گیا ہے اور انہوں نے بھی کسی بھی پارٹی پوزیشن

دینے پر اختلاف کیا ہے ۔ان کے مطابق جاوید ہاشمی نے مسلم لیگ ن کو چھوڑ کر پارٹی کو نقصان پہنچایا تھا اور اگراب وہ واپس آنا چاہتے ہیں تب انہیں از سر نو بنیادی ممبر شپ حاصل کر کے ورکر کے طور پر کام کرنا ہو گا ۔واضح رہے کہ سلم لیگ ن کے صدر اور سابق وزیراعظم نواز شریف نے مخدوم جاوید ہاشمی کو کل اسلام آباد طلب کر لیا۔ تفصیلات کے مطابق مسلم لیگ ن کے صدر اور سابق وزیراعظم نواز شریف نے مخدوم جاوید ہاشمی کو 4دسمبر بروز پیر اسلام آباد طلب کر لیا پے۔ ذرائع کے مطابق نواز شریف سے ملاقات کے بعد سینئر سیاستدان جاوید ہاشمی مسلم لیگ ن میں دوبارہ شمولیت کا اعلان کرینگے۔ خیال رہے کہ جاوید ہاشمی مسلم لیگ ن چھوڑ کر پاکستان تحریک انصاف میں شامل ہو گئے تھے لیکن تحریک انصاف کے دھرنے کے دوران انہوں نے تحریک انصاف کے   خلاف پریس کانفرنس کر کے مبینہ طور پر پارٹی قیادت کی جمہوریت مخالف سرگرمیوں کی نشاندہی کرتے ہوئے تحریک انصاف سے علیحدگی اختیار کر لی تھی۔