لاہور(آئی این پی ،مانیٹرنگ ڈیسک) پاکستان تحریک انصاف کی رہنما شیریں مزاری  کی بیٹی ایمان زینب مزاری نے پاک فوج کے حوالے سے بے ہودہ پیغام جاری کرنے پر معافی مانگ لی ہے ۔تفصیلات کے مطابق ایمان مزاری  نے کہا کہ  میں نے اپنے پیغام میں جس طرح کے الفاظ استعمال کئے مجھے ان پر گہرا پچھتاوا ہے میں عوام کو اس تکلیف میں مبتلا کرنے کے لئے معافی مانگتی ہوں مجھے اپنے الفاظ کے چنا  ئو پر دکھ اور افسوس ہے

لیکن میں اپنے موقف پر قائم ہوں لیکن مجھے لگتا ہے کہ میں اپنا موقف اچھے انداز میں دے سکتی تھی جس سے کسی کو تکلیف نہ ہوتی ۔واضح رہے کہ ایمان مزاری نے دھرنا مظاہرین کے ساتھ مزاکرات کرنے پر پاک فوج کے خلاف انتہائی غیر اخلاقی ویڈیو جاری کی تھی جس میں پاک فوج کو نشانہ بنایا گیا تھا تاہم اب انہوں نے اپنے بیان کے حوالے سے معافی مانگ لی ہے ۔واضح رہے پاکستان تحریک انصاف کی اہم رہنماءشیریں مزاری کی بیٹی ایمان مزاری تحریک لبیک کا دھرنا ختم کرانے میں کردار ادا کرنے اور ڈی جی رینجرز پنجاب میجر جنرل اظہر نوید کی جانب سے چند اراکین میں پیسے تقسیم کرنے پربھڑک اٹھی تھیں۔سوشل میڈیا پر جاری بیان میں ایمان مزاری کی جانب سے تحریک لبیک کے دھرنا مظاہرین کو دہشت گرد کہا گیا اور ان کیساتھ معاہدہ کرنے پر پاک فوج کو تنقید کا نشانہ بناتے ہوئے کہا کہ ایسا کر کے پاک فوج کے افسران و جوانوں   کی قربانیوں کی بے عزتی کی گئی ہے۔ان کا کہنا تھا کہ فوج نے 70 سال میں یہ نہیں سیکھا کہ یہ لوگ ملک کو جلا کر رکھ دیں گے۔ یہ لوگ کسی کیساتھ بھی مخلص نہیں ہیں اور صرف نفرت پھیلانے آئے ہیں۔اس بیان پر ان کی والدہ ،تحریک انصاف کی رہنما شیریں مزاری نے اپنی بیٹی کے سوشل میڈیا پر جاری بیان کی شدید مذمت کی تھی۔شیریں

مزاری نے  ٹویٹر پر ایک پیغام جاری کیا جس میں انہوں نے اپنی بیٹی پر برہمی کا اظہار کرتے ہوئے کہا کہ وہ اپنی بیٹی کے خیالات سے متفق نہیں ہیں۔ میں یہ بات واضح کر دینا چاہتی ہوں کہ میری بیٹی نے ٹویٹر پر پوسٹ کی گئی ایک ویڈیو میں پاک فوج کے خلاف جو بھی زبان استعمال کی میں اس کے خیالات سےمتفق نہیں ہوں۔میں اپنی بیٹی کی طرف سے مسلح افواج کے خلاف استعمال کی  گئی غلیظ زبان کی بھی سخت مذمت کرتی ہوں۔ میں اپنی بیٹی سے پیار کرتی ہوں لیکن میں اس کے خیالات اور استعمال کی جانے والی زبان سے واضح طور پر اختلاف کرتی ہوں