نیویارک (آئی این پی) وزیراعظم محمد نواز شریف اقوام متحدہ کی جنرل اسمبلی کے71ویں سربراہ اجلاس سے (آج ) بدھ کو اپنا کلیدی اور دھواں دھار خطاب کریں گے جس میں وہ مسئلہ کشمیر اور مقبوضہ کشمیر میں بھارتی جارحیت ، تشدد اور انسانی حقوق کی کھلم کھلا خلاف ورزیوں کا معاملہ بھرپور انداز اٹھائیں گے ،عالمی برادری اور بین الاقوامی میڈیا کی نظریں وزیر اعظم کے اس اہم خطاب پر لگ گئی ہیں ، خطے کی موجودہ صورتحال کے باعث ان کی تقریر انتہائی غیر معمولی اہمیت کی حامل ہے ، وزیراعظم اس سلسلے میں کشمیر ی رہنما?ں سے مشاورت کرچکے ہیں اور مزید تیاری اور حکمت عملی کو حتمی شکل دی جارہی ہے۔ تفصیلات کے مطابق۔وزیراعظم محمد نواز شریف ( آج ) بدھ کو جنرل اسمبلی سے اپنا دھواں دھار اور کلیدی خطاب کریں گے تاکہ دنیا کی توجہ مقبوضہ کشمیر میں بھارتی ریاستی دہشت گردی اور بھارتی فوج کی جانب سے انسانی حقوق کی سنگین خلاف ورزیوں پر مبذول کرائی جاسکے۔وزیراعظم اقوام متحدہ کے سیکرٹری جنرل بان کی مون کے ساتھ اپنی ملاقات کے دوران بھی کشمیر کے دیرینہ تنازع کے حل کیلئے اقوام متحدہ کے موثر کردار پر زور دیں گے۔وزیراعظم نے برطانیہ ،سعودی عرب، جاپان، نیوزی لینڈ کے رہنما?ں سے بھی تناز ع کشمیر پر بات کی۔ انہوں نے نیوزی لینڈ کے وزیراعظم جان کی اور امریکی وزیر خارجہ جان کیری سے ملاقات میں بھی مقبوضہ کشمیر میں بھارتی جارحیت ، افغانستان سمیت خطے کی صورتحال اور باہمی دلچسپی کے اہم امور پر تبادلہ خیال کیاگیا۔ ذرائع کے مطابق ،عالمی برادری اور رہنما ?ں کی نظریں وزیر اعظم کے اس اہم خطاب پر لگ گئی ہیں ، ملکی میڈیا کے ساتھ ساتھ عالمی میڈ یا بھی ان کی تقریر پر فوکس رکھے ہوئے ہے۔ خطے کی موجودہ صورتحال کے باعث ان کی تقریر انتہائی غیر معمولی اہمیت کی حامل ہے ، وزیراعظم اس سلسلے میں کشمیر ی رہنما?ں سے مشاورت کرچکے ہیں اور مزید تیاری اور حکمت عملی کو حتمی شکل دی جارہی ہے۔

موضوعات:جنرل اسمبلی کے71ویں سربراہ اجلاس وزیراعظم محمد نواز شریف