ہفتہ‬‮ ، 26 اپریل‬‮ 2025 

دنیاکو کیے گئے اس اہم وعدے سے پیچھے ہٹنے نہیں دیں گے؟؟ وزیراعظم نے ایسی زبردست بات کہہ دی کہ بھارت دیکھتا رہ گیا

datetime 20  ستمبر‬‮  2016
ہمارا واٹس ایپ چینل جوائن کریں

نیویارک (مانیٹرنگ ڈیسک)وزیر اعظم نواز شریف نے کہا ہے کہ ہم دنیاکوکشمیرکے حوالے سے کئے گئے وعدے سے بھاگنے نہیں دیں گے ،نہتے کشمیریوں کوظلم وجبرکانشانہ بنایاجارہاہے،مقبوضہ کشمیرمیں ریاستی دہشتگردی بھرپورطریقے سے جاری ہے،مقبوضہ کشمیرمیں انسانی حقوق کی خلاف ورزیاں اوربھارتی جارحیت فوری بند ہونی چاہیے ،کشمیریوں کوکسی صورت تنہانہیں چھوڑیں گے،کشمیرکاز کیلئے پاکستان کامؤقف دوٹوک اورواضح ہے،عالمی برادری کی ذمہ داری ہے کہ وہ بھارت کوریاستی مظالم بند کرنے کیلئے کہے،برطا نیہ مقبوضہ کشمیر کے عوام پرظلم وستم بندکرانے میں کردارادا کر ے۔وہ پیر کو برطانوی ہم منصب تھریسامے سے ملاقات میں گفتگو کر رہے تھے۔
ملاقات میں میں دو طرفہ تعلقات اور باہمی دلچسپی کے امور پر تبادلہ خیال کیا گیا ، ملاقات میں وزیر اعظم نواز شریف نے افغانستان اور خطے میں قیام امن کے لئے پاکستان کی کوششوں سے متعلق برطانوی ہم منصب کو آگاہ کیا ، وزیر اعظم نواز شریف نے دہشتگردی کے خلاف جنگ میں پاکستان کی قربانیوں اور آپریشن ضرب عضب میں حاصل ہونے والی کامیابیوں سے بھی برطانوی وزیر اعظم کو آگاہ کیا، وزیر اعظم نواز شریف نے اپنے برطانوی ہم منصب کو مقبوضہ کشمیر میں بھارتی افواج کی جانب سے کشمیریوں پر ڈھائے جانے والے مظالم اور وہاں انسانی حقوق کی سنگین خلاف ورزیوں کے حوالے سے بھی انہیں آگاہ کیا۔اس موقع پر وزیر اعظم نواز شریف نے کہا کہ کشمیرپرسلامتی کونسل کی قراردادوں پرفوری عمل کیاجائے،جموں کشمیرکے عوام کواپنافیصلہ خود کرنے کااختیار دیاجائے،اگرعالمی برادری بھارتی ریاستی دہشتگردی بندکرانے میں کامیاب نہ ہوئی توبھارت کی حوصلہ افزائی ہوگی،بھارتی ریاستی دہشتگردی میں مزیداضافہ ہوگا۔وزیر اعظم نواز شریف نے کہا کہ مستحکم اور خوشحال افغانستان پاکستان کے مفاد میں ہے۔اس موقع پر برطانوی وزیراعظم نے معاشی استحکام میں پاکستان کی کوششوں کوسراہا اور دہشتگردی کے خاتمے میں پاکستان کے کردار کی تعریف کی۔تھریسامے نے افغانستان میں قیام امن کے لیے پاکستان کے کردار کو بھی سراہا۔اس موقع پر برطانوی وزیر اعظم تھریسامے نے کہا کہ برطانیہ میں مقیم پاکستانی برطانوی ترقی میں اہم کردار ادا کررہے ہیں ۔بعد ازاں وزیر اعظم نواز شریف نے سعودی ولی عہد شہزادہ محمد بن شاہ نیف بن عبدالعزیز سے بھی ملاقات کی جس میں دو طرفہ تعلقات اور باہمی دلچسپی کے امور سمیت خطے میں قیام امن اور کشمیر کی موجودہ صورتحال پر تبادلہ خیال کیا۔

موضوعات:

آج کی سب سے زیادہ پڑھی جانے والی خبریں


کالم



پانی‘ پانی اور پانی


انگریز نے 1849ء میں پنجاب فتح کیا‘پنجاب اس وقت…

Rich Dad — Poor Dad

وہ پانچ بہن بھائی تھے‘ تین بھائی اور دو بہنیں‘…

ڈیتھ بیڈ

ٹام کی زندگی شان دار تھی‘ اللہ تعالیٰ نے اس کی…

اگر آپ بچیں گے تو

جیک برگ مین امریکی ریاست مشی گن سے تعلق رکھتے…

81فیصد

یہ دو تین سال پہلے کی بات ہے‘ میرے موبائل فون…

معافی اور توبہ

’’ اچھا تم بتائو اللہ تعالیٰ نے انسان کو سب سے…

یوٹیوبرز کے ہاتھوں یرغمالی پارٹی

عمران خان اور ریاست کے درمیان دوریاں ختم کرنے…

بل فائیٹنگ

مجھے ایک بار سپین میں بل فائٹنگ دیکھنے کا اتفاق…

زلزلے کیوں آتے ہیں

جولیان مینٹل امریکا کا فائیو سٹار وکیل تھا‘…

چانس

آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…