کراچی(مانیٹرنگ ڈیسک)پاکستان میں چین کے تعاون سے تیار کیا گیا تیسرا فاسٹ اٹیک کرافٹ پاک بحریہ کے بیڑے میں شامل کرلیا گیا ہے۔ ذرائع کے مطابق کراچی شپ یارڈ میں فاسٹ اٹیک کرافٹ میزائل کی لانچنگ تقریب ہوئی جس میں آئی جی سندھ اے ڈی خواجہ سمیت پاکستان نیوی کےاعلیٰ افسران شریک ہوئے اورنیول چیف ایڈمرل محمد ذکا اللہ نے فاسٹ اٹیک کرافٹ میزائل تھری کا افتتاح کیا۔ پاک بحریہ کے مطابق فاسٹ اٹیک کرافٹ میزائل کرافٹ پاک بحریہ کے جنگی بیڑے میں شامل ہونے والا تیسرا جہاز ہے، فاسٹ اٹیک کرافٹ میزائل بوٹ چین کے تعاون سے کراچی شپ یارڈ میں تیارکیا گیا ہے. فاسٹ اٹیک کرافٹ میزائل بوٹ دشمن کے ریڈارمیں نہ آنے کی صلاحیت رکھنے سمیت اپنا مشن مکمل کرکے واپس آنے کی بھی صلاحیت رکھتی ہے۔اس موقع پرنیول چیف ایڈمرل ذکاء اللہ نےمیزائل بوٹ کی افتتاحی تقریب سے خطاب کے دوران کہا کہ سمندری حدود پاک چین اقتصادی راہداری کےلئے لازمی ہے، بحری جہازکی شمولیت سے بحری دفاع میں اضافہ ہوگا جب کہ پاک نیوی اس سلسلے میں بھرپورکردارادا کرے گی ۔ادھربین الاقوامی دفاعی ماہرین کاکہناہے کہ پاک بحریہ میں جدید ترین فاسٹ اٹیک کرافٹ کی شمولیت سے بھارت کوبھی اپنی بحری قوت کی طرف توجہ دیناپڑے گی ۔دفاعی ماہرین کاکہناہے کہ اگرچہ بھارتی بحریہ کاحجم بڑاہے لیکن اس کے پاس وہ جدید ٹیکنالوجی نہیں جوکہ پاکستان کی بحریہ کے پاس ہے اوریہ بھارت کے لئے خطرے کی گھنٹی ہے ۔ان کاکہناتھاکہ گواردپورٹ خطے میں پاکستان کی طاقت کاسرچشمہ بن رہی ہے جبکہ دوسری طرف خطے میں دوہمسایہ ممالک کی بندرگاہوں کوگوادربندرگاہ کی مدد کے بغیرچلنامشکل ہوجائے گا۔