اسلام آباد(مانیٹرنگ ڈیسک ) عالمی نشریاتی ادارے بی بی سی نے بھی پاکستانی دفترخارجہ کے ترجمان کی ہفتہ وارپریس کانفرنس کاحوالہ دیتے ہوئے کہاکہ پاکستان میں دہشتگردی میں انڈیاکے ملوث ہونے کے واضح ثبوت ملے ہیں ۔دفترخارجہ کے ترجمان نفیس زکریاکے مطابق انڈیاہی وہ ملک ہے جوخطے میں دہشتگردی کاذمہ دارہے ۔بی بی سی نے بھی کہاکہ جب نفیس زکریاسے یہ پوچھاگیاکہ کیاوزیراعظم نوازشریف کلبھوشن یادوکامعاملہ اقوام متحدہ کی جنرل اسمبلی میں اٹھائیں گے توان کاکہناتھاکہ انڈین مداخلت کامعاملہ ضروراٹھایاجائے گا۔ دفترخارجہ نےکہاہےکہ کلبھوشن یادیوکےاعتراف جرم نےثابت کردیا کہ بھارت خطےمیں دہشتگردی پھیلا رہاہے۔ انھوں نےکہاکہ ایک پڑوسی ملک پاکستان میں دہشتگردی کررہاہے۔ ہفتہ وار پریس کانفرنس کرتےہوئےترجمان دفترخارجہ سے سوال کیاگیاکہ بھارتی وزیراعظم نےکہا ہےکہ جنوبی ایشیا میں صرف ایک قوم دہشتگردی میں ملوث ہے۔ترجمان نےجواب دیاکہ بالکل،کلبھوشن یادیونے اپنے بیان میں اس قوم سے متعلق تفصیل سے بتایا ہے۔ایک پڑوسی پاکستان میں دہشت گردی کررہا ہے۔دہشت گردی کے خلاف بڑی کامیابیاں حاصل کی ہیں۔ترجمان دفترخارجہ کاکہناتھاکہ افغانستان کےساتھ بامقصد وتعمیری مذاکرات پرزوردیتےآئےہیں۔ دونوں ہمسایہ ممالک کی طویل سرحد ہے۔ترجمان دفترخارجہ نفیس ذکریاکاکہناتھاکہ بنگلہ دیش میں میرقاسم علی کی پھانسی پران کےخاندان سے ہمدردی ہے۔بنگلہ دیش میں حزب اختلاف کوعدلیہ کیجانب سےاس طرح سےدبایاجانا بےمقصد ہے۔