اسلام آباد (مانیٹرنگ ڈیسک) وزیراعظم نوازشریف نے کہا ہے کہ ہمارے دل میں بغض نہیں بلکہ لوگوں کی خدمت کا جذبہ ہے، اگر چاہتے تو خیبر پی کے میں حکومت بنا سکتے تھے، دعا ہے کہ اللہ ہمارے مخالفین کو ہدایت دے تاکہ وہ بھی ہمارے ساتھ مل کر ملک کی ترقی کے لئے کام کریں، سیاسی مخالفین کو جواب دینے کے لئے میرے پاس وقت نہیں ہے مخالفین کو پنجاب میں بھی جواب ملا اورکل کراچی کے عوام نے بھی انہیں خوب جواب دے دیا، مجھے یقین ہے کہ چترال کے لوگ بھی ہمارے مخالفین کو بھرپور جواب دیں گے، میں دل کی گہرائیوں سے آپ سے محبت کرتا ہوں، وزیراعظم کی حیثیت سے پہلے بھی چترال آیا اور 2018ء کے بعد بھی آئوں گا، خوشی ہے کہ چترال کے عوام اب اردو زبان سمجھتے ہیں، چترال کا مقام بھی لاہور، کراچی اور دیگر بڑے شہروں سے کم نہیں۔

موضوعات:نواز شریف