اسلام آباد(مانیٹرنگ ڈیسک) وزیر اعظم نواز شریف نے اقتصادی راہداری کے مغربی روٹ مغل کوٹ کیرج وے کاسنگ بنیاد رکھ دیا۔نجی ٹی وی کے مطابق ژوب مغل کوٹ سیکشن کی تعمیر جنوری 2018 میں مکمل ہوگی،منصوبے کے تحت ملتان ،ڈیرہ غازی خان اور قلعہ سیف اللہ کو ملایا جائے گا۔ قلعہ سیف اللہ سے لورا لائی تک 67کلومیٹر شاہراہ پر 4ارب روپے لاگت آئے گی۔40کلومیٹر کلے خدائے نذر مغل کوٹ سیکشن پر 4 ارب روپے لاگت آئے گی۔وزیراعظم نے شاہراہ این 70 کے قلعہ سیف اللہ ویگم رودسیکشن کا بھی سنگ بنیاد رکھ دیا۔128 کلومیٹر قلعہ سیف اللہ ویگم رودسیکشن جنوری 2018 میں مکمل ہوگا اوراس کی تعمیر پر ساڑھے 7ارب سے زائد لاگت آئے گی۔لورا لائی سے ویگم رود تک 61 کلومیٹر سڑک تعمیر ہوگی جس پر 3 ارب روپے سے زائد لاگت آئے گی۔اس موقع پرقومی سلامتی کے مشیر ناصر خان جنجوعہ ، عبد القادر بلوچ ، عباس آفریدی، میر حاصل بزنجو ، مولانا فضل الرحمان ، مشاہد حسین سید ، محمود خان اچکزئی اور میاں افتخار حسین بھی وزیر اعظم کے ہمراہ ہیں۔