عوام کےلئے سٹیٹ آف دی آرٹ کیڈٹ کالج کا بھی افتتاح کیا گیا جہاں پانچ سو طلباءتعلیم حاصل کرینگے اور مقامی نو جوانوں کو پروفیشنل کالجوں تک رسائی حاصل ہو سکے گی ۔علاقہ کے عوام کےلئے 132کے وی گرڈ سٹیشن اور 54کلو میٹر ٹرانسمشن لائن کا بھی افتتاح کیا گیا جو مقامی لوگوں کا دیرینہ مطالبہ تھا اس موقع پر بڑے اجتماع سے خطاب کرتے ہوئے آرمی چیف جنرل راحیل شریف نے کہا کہ ان ترقیاتی منصوبوں سے عام آدمی کا معیار زندگی بلند ہوگا روز گار کے مواقع میسر آئیں گے او ر یہ علاقہ معاشی خوشحالی کے دور میں داخل ہو جائیگا جو کہ ہمارا بڑا مقصد ہے آرمی چیف نے 62کلو میٹر طویل ڈی آئی خان ٹانک روڈ کا بھی افتتاح کیا جو کہ 705کلو میٹر طویل مرکزی تجارتی راہداری منصوبہ کا حصہ ہے جو علاقہ کو افغانستان سے منسلک کریگی اور اس سے سفر کے وقت میں قابل ذکر کمی ہوگی جنرل راحیل شریف نے اپنے خطاب میں مقامی قبائلیوں کو یقین دلایا کہ بحالی کے منصوبے پر پوری طرح عمل کیا جائیگا اور عارضی طورپر بے گھر افراد منصوبے کے مطابق ایک بہتر اور زیادہ ترقی یافتہ علاقے میں واپس آئیں گے ۔قبائلیوں نے وعدوں کی تکمیل پر آرمی چیف کا شکریہ ادا کیا جنرل راحیل شریف نے اپنے خطاب میں کہاکہ آپریشن ضرب عضب آخری مرحلے میں ہے اور صرف چندایسے چھوٹے ٹکڑے باقی رہ گئے ہیں جہاں دہشتگرد چھپے ہوئے ہیں انہوںنے کہاکہ قوم کی حمایت سے ہم دہشتگردوں کو علاقہ سے نکالنے میں کامیاب ہو ئے ہیں انہوںنے قبائلی بھائیوں کی حمایت اور قربانیوں کو سراہا ۔جنرل راحیل شریف نے کہاکہ دہشتگردوں کو کبھی بھی ان علاقوں میں واپس آنے کی اجازت نہیں دی جائیگی اور پاک فوج اپنا کام مکمل کرنے تک کسی صورتحال واپس نہیں جائیگی جنرل راحیل شریف نے قبائلیوں سے خطاب میں کہاکہ وہ سکیورٹی فورسز کی حمایت اور بحالی کے آپریشن میں بھرپور تعاون جاری رکھیں تاکہ ان علاقوں میں پائیدار امن اور خوشحالی کے حتمی مقاصد حاصل کئے جاسکیں ۔

مزید پڑھئے: پی آئی اے نے لندن میں ایک اورشرمناک ریکارڈ قائم کردیا