اسلام آباد (نیوز ڈیسک) صدر مملکت ممنون حسین نے اپنے بیرون ملک کے دوروں پر لاکھوں روپے ٹپ میں اڑا دیئے۔ صدرمملکت نے ترکی ، سعودی عرب اور چین جیسے امیر ملکوں کے دوروں کے دوران ٹپ کی مد میں 61لاکھ روپے سے زائد خرچ کئے جبکہ صدارتی ہاوس نے وزارت خزانہ سے ان اخراجات کی منظوری بھی نہیں لی۔روزنامہ دنیا کے مطابق صدرمملکت ممنون حسین نے اپنے بیرون ملک دوروں کے دوران 61لاکھ 44ہزار روپے سکیورٹی عملہ ، ویٹرز اور ڈرائیوروں میں بطور ٹپ تقسیم کئے۔ اکتوبر 2013ءمیں چین اور سعودی عرب کے دورے کے دوران 26لاکھ 57ہزار 500روپے ،مئی2014ءمیں ایک بار پھر چین کے دورے میں9لاکھ 93ہزار روپے ،جون 2014ءکے پہلے ہفتے میں ترکی ، نائجیریااور سعودی عرب کے دورے میں 19لاکھ 57ہزار روپے جبکہ جون 2014ءکے آخری ہفتے میں پھرسعودی عرب کے دورہ کے دوران 4لاکھ 96ہزار 750روپے ٹپ دی گئی۔ وزارت خزانہ کے ذرائع نے اس بات کی تصدیق کی ہے کہ صدرمملکت نے بیرون ملک دوروں کے دوران ہونے والے یہ اخراجات وزارت خزانہ کے مروجہ قوانین کی خلاف ورزی کرتے ہوئے کئے