پشاور(نیوزڈیسک)6.9شدت کا زلزلہ،پشاورمیں زخمیوں کی تعداد بڑھ گئی،پاکستان کے مختلف شہروں میں رات گئے زلزلے کے شدید جھٹکے محسوس کیے گئے۔جس کے بعد لوگ کلمہ طیبہ کا ورد کرتے ہوئے گھروں سے نکل آئے۔زلزلے کی شدت 6اعشاریہ 9ریکارڈ کی گئی۔پشاور میں زلزلے سے 7خواتین اور بچوں سمیت 40افراد زخمی ہوئے۔ لیڈی ریڈنگ اسپتال کےقریب مکان کی دیوارگرگئی۔ کوئی جانی نقصان نہیں ہوا۔ملک کے مختلف شہروں میں رات گئے زلزلے کے شدید جھٹکے محسوس کیے گئے۔ زلزلہ پیما مرکز کے مطابق زلزلے کی شدت 6اعشاریہ 9ریکارڈ کی گئی،زلزلے کا مرکز افغانستان کے شمال مشرقی علاقے اشک آباد میں 203 کلومیٹر گہرائی میں تھا۔ تاہم امریکی زلزلہ پیما مرکز کے مطابق زلزلے کی شدت 6اعشاریہ 2 تھی۔ خیبرپختونخواہ میں پشاور سمیت نوشہرہ ، ڈیرہ اسماعیل خان، چارسدہ ، کوہاٹ ، مردان ، سوات،چترال ، اپر دیر ، لوئر دیر ،لکی مروت ،مانسہرہ ،ایبٹ آباد اور دیگر اضلاع میں زلزلے کے جھٹکے محسوس کیے گئے۔اسلام آباد کےعلاوہ پنجاب کے مختلف شہر ملتان ، فیصل آباد ،گوجرانوالہ،سیالکوٹ،منڈی بہاءالدین ،سرگودھا، ڈیرہ غازی خان، مری کے علاوہ سندھ میں جیکب آباد اور دیگر اضلاع بھی لرز اٹھے۔