اسلام آباد (نیوز ڈ یسک)بھارتی پنجاب کے ضلع ترن تارن میں ہونے والی ایک شادی کی ویڈیو سوشل میڈیا پر تیزی سے پھیل گئی،
جس کے بارے میں دعویٰ کیا گیا کہ تقریب کے دوران دلہن پر کروڑوں روپے نچھاور کیے گئے۔وائرل کلپ میں دیکھا جا سکتا ہے کہ دلہا اور اس کے عزیز و اقارب دلہن پر نقد رقم برسا رہے ہیں، جس پر بعض صارفین نے یہ تاثر دیا کہ بیرونِ ملک سے آنے والے مہمانوں نے ڈالرز سمیت تقریباً 8 کروڑ روپے لٹائے۔تاہم اہلِ خانہ نے اس تاثر کو غلط قرار دیتے ہوئے وضاحت کی کہ اصل میں شادی میں نچھاور کی گئی رقم چند لاکھ سے زیادہ نہیں تھی۔ ان کے مطابق مجموعی رقم تقریباً 4 سے 5 لاکھ روپے تھی جس میں کچھ غیر ملکی کرنسی بھی شامل تھی۔دلہے کے قریبی رشتہ داروں اور تقریب میں موجود ڈی جے کا کہنا ہے کہ سوشل میڈیا پر رقم کو بڑھا چڑھا کر پیش کیا گیا، حقیقت میں نوٹوں کی اکثریت چھوٹی مالیت کی تھی اور کل رقم تقریباً 3 سے 4 لاکھ روپے کے درمیان تھی۔
View this post on Instagram
