اسلام آباد (نیوز ڈیسک) واشنگٹن (ڈیلی پاکستان آن لائن) – دنیا کے معروف ترین کاروباری شخصیات میں سے ایک، ٹیسلا اور اسپیس ایکس کے بانی ایلون مسک نے امریکی حکومت میں دیے گئے اپنے عہدے سے کنارہ کشی اختیار کر لی۔

امریکی میڈیا کی ایک رپورٹ کے مطابق، سابق صدر ڈونلڈ ٹرمپ کی انتظامیہ میں قائم کیے گئے “ڈیپارٹمنٹ آف گورنمنٹ ایفیشنسی” (DOGE) سے ایلون مسک نے علیحدگی اختیار کرلی ہے۔ رپورٹس کے مطابق، ڈونلڈ ٹرمپ نے اپنی کابینہ اور قریبی ساتھیوں کو اس فیصلے سے آگاہ کردیا ہے۔

ذرائع کے مطابق، یہ فیصلہ ایلون مسک اور ٹرمپ کے درمیان باہمی مشاورت کے بعد کیا گیا، جس میں طے پایا کہ مسک اپنی کاروباری سرگرمیوں پر دوبارہ توجہ مرکوز کریں گے۔ ٹرمپ نے انہیں حکومتی اخراجات میں کمی لانے کی ذمہ داری سونپی تھی اور وہ اس محکمے کے سربراہ کے طور پر خدمات انجام دے رہے تھے۔

امریکی اخبار کے مطابق، تاحال ایلون مسک کی ٹیم یا وائٹ ہاؤس کی جانب سے اس فیصلے کی باضابطہ تصدیق نہیں کی گئی۔ تاہم، اس پیشرفت نے سیاسی اور کاروباری حلقوں میں نئی بحث چھیڑ دی ہے۔