نئی دلی (مانیٹرنگ ڈیسک)بھارتی ریاست کرناٹک کے میسور روڈ شو میں وزیراعظم نریندر مودی کو موبائل فون مارنے کی کوشش کی گئی۔نئی دلی سے بھارتی میڈیا کے مطابق ہجوم میں سے پھینکا گیا موبائل فون مودی کو نہیں لگا اور ٹرک کی چھت پر جا گرا۔
بھارتی میڈیا کا کہنا ہے کہ ریاستی اسمبلی کی انتخابی مہم میں میسور میں وزیراعظم کا روڈ شو ہو رہا تھا۔بھارتی میڈیا کے مطابق بھارتی ریاست کرناٹک میں 10 مئی کو ریاستی اسمبلی کے انتخابات شیڈول ہیں۔
