ریاض (این این آئی )سعودی عرب کی وزارت صحت نے ایک ملازم کو اس وقت کام سے معطل کرنے کا اعلان کیاہے جب اس نے ایک مریضہ کی تصویر اتاری۔

یہ تصویر اور ویڈیو اس وقت بنائی گئی جب وہ ایک اسپتال میں طبی معائنے کے لیے آئی تھیں۔میڈیارپورٹس کے مطابق وزارت صحت نے تصدیق کی کہ ملازم کو مجاز حکام نے گرفتار کیا اور اس کے خلاف قانونی اقدامات کرنے کے لیے پبلک پراسیکیوشن کے حوالے کر دیا گیا ہے۔وزارت صحت کا کہناتھا کہ سوشل میڈیا پر وائرل ہونے والی ویڈیو کی تصدیق کے بعد یہ ویڈیو بنانے والے ملازم کی نشاندہی کی گئی۔ یہ ویڈیو اس وقت بنائی گئی تھی جب وہ خاتون اسپتال میں آئی تھیں۔انہوں نے ملازم کو کام کرنے سے روکنے کا اپنا فیصلہ جاری کیا اور اسے مجاز حکام نے معطل کر دیا اور اس کے خلاف قانونی اقدامات کرنے کے لیے پبلک پراسیکیوشن کو بھیج دیا۔