صنعاء (این این آئی)یمن میں آئینی حکومت کے حامی عرب اتحاد کے اعلان کے مطابق سعودی افواج نے مملکت کی جانب بھیجے گئے پانچ ڈرون طیاروں کو فضا میں تباہ کر دیا۔میڈیارپورٹس کے مطابق عرب اتحاد کے بیان میں بتایا گیا کہ حوثی باغی ملیشیا نے یہ ڈرون طیارے صنعا سے بھیجے تھے۔

عرب اتحاد نے تین ڈرون طیاروں کے تباہ کیے جانے کے مناظر جاری کیے ۔ ان طیاروں کو حوثی ملیشیا نے اتوار کی شب سعودی عرب کے جنوبی علاقے نجران کی سمت بھیجا تھا۔عرب اتحاد نے باور کرایا کہ مملکت اور اس کے شہریوں اور مقیم افراد کی سلامتی کے واسطے تمام مطلوبہ عملی اقدامات کیے جا رہے ہیں۔