نئی دہلی(این این آئی)بھارتی وزیراعظم نریندر مودی کے ریاست تری پورہ کے دورے سے قبل بنگلہ دیش کیساتھ سکیورٹی سخت کردی گئی۔غیرملکی خبررساں ادارے کے مطابق نریندر مودی 4 جنوری کو ریاست تری پورہ کا دورہ کریں گے، بھارتی میڈیا کے مطابق دورے سے

قبل بنگلہ دیش کی سرحد کیساتھ پٹرولنگ بڑھا دی گئی ہے جبکہ بی ایس ایف اہلکاروں کی تعداد میں بھی اضافہ کردیا گیا ہے۔تری پورہ کی سرحد بنگلہ دیش کیساتھ لگتی ہے، مودی کے گزشتہ سال بنگلہ دیش کے دورے کے دوران احتجاج میں 12 افراد جاں بحق ہوگئے تھے۔