ریاض (این این آئی)نئے سال کے آغاز پر سعودی عرب کے شمال مغربی شہر تبوک میں شدید برف باری ہوئی ہے۔ سوشل میڈیا پر شیئر کی گئی ویڈیوز کے مطابق برف باری کے بعد خط تبوک نے سفید چادر اوڑھ لی ہے۔سعودی عرب کی سرکاری خبر رساں ایجنسی کی جانب سے جاری کردہ تصاویر میں برف سے ڈھکی کاریں دیکھی جاسکتی ہیں اور گرم کپڑوں میں ملبوس
لوگ مملکت میں برف کے نایاب نظارے سے لطف اندوز ہو رہے ہیں۔ ایک رپورٹ میں بتایا گیا کہ کس طرح لوگ تبوک کے علاقے کے قریب اللوز پہاڑ پر برف باری سے لطف اندوز ہونے کے لیے اکٹھے ہوئے ۔سعودی عرب کے محکمہ شہری دفاع نے خبردار کیا کہ پیر تک گرج چمک کے ساتھ شدید بارش کا امکان ہے اور دھند کی وجہ سے ہر کسی کو احتیاط کرنے کی ضرورت ہے
