ریاض (این این آئی)سعودی عرب کے مشرقی صوبے میں سیکیورٹی سروسزنے 5 افراد کو ظہران میں سیکیورٹی کنٹرول سینٹر سے فرار ہونے کے بعد گرفتار کرلیا۔میڈیارپورٹس کے مطابق وزارت داخلہ کے اکائونٹ اسنیپ پرپوسٹ کردہ ویڈیو میں دیکھا جاسکتا ہے کہ ایک شخص پولیس پارٹی کی تصویر بنا رہا ہے۔ یہ ویڈیو اس وقت بنائی گئی جب پولیس نے
ایک کار کو روکا جس میں پانچ افراد سوار تھے۔ وہ تمام مقامی افراد تھے جو ایک سیکیورٹی سینٹر سے فرار ہوگئے تھے۔گاڑی کے ڈرائیور نے گاڑی کو ریورس کر دیا جس کی وجہ سے ان کی گاڑی تیز رفتاری کے باعث جل گئی۔وزارت داخلہ نے بتایا کہ گاڑی کی تلاشی لینے پر اندر سے منشیات، ممنوعہ طبی مصنوعات اور دیگر ممنوعہ اشیا برآمد ہوئیں۔
