کابل (این این آئی )افغان طالبان کی اعلان کردہ نئی عبوری حکومت نے اپنی ذمہ داریاں سنبھال لیں ۔میڈیارپورٹس کے مطابق ملا محمد حسن اخوند نئے عبوری وزیراعظم ہوں گے جبکہ ملا عبدالغنی برادر اور ملا عبدالسلام حنفی نائب وزیراعظم مقرر کیے گئے ہیں۔ملا محمد یعقوب مجاہد وزیر دفاع، سراج الدین حقانی وزیر داخلہ اور ملا امیر خان متقی وزیر خارجہ مقرر کر دیے گئے۔ملا خیرللہ خیرخواہ وزیر اطلاعات و ثقافت اور ذبیح للہ مجاہد ان کے نائب ہوں گے جبکہ ملا عبدالحق وثیق انٹیلی جینس امور اور قاری فصیح الدین سیکورٹی امور کے سربراہ ہوں گے۔