دوحہ (آن لائن) کورونا کی تشویشناک صورتحال، قطر نے پاکستان سمیت 6 ممالک پر سفری پابندی عائد کر دی۔ میڈیارپورٹس کے مطاب پاکستانی شہریوں پر قطر میں داخلے پر پابندی کے حوالے سے قطرائیر لائن نے پاکستان سے قطر جانے والے مسافروں کواگاہ کردیاہے۔قطر ائیرلائن کے مطابق بھارت، بنگلادیش، نیپال، سری لنکا اور فلپائن کے شہریوں کے بھی قطر داخلے پرپابندی ہوگی۔قطرحکومت نے پاکستان
سمیت 6 ملکوں کے شہریوں کے داخلے پرپابندی کورونا کے باعث لگائی ہے۔واضح رہے کہ اج ایران نے بھی پاکستانی شہریوں پر سفری پابندیاں عائد کر دی ہیں اور اس حوالے سے ایران حکومت کی جانب سے نوٹیفکیشن بھی جار ی کر دیا ہے۔ متحدہ عرب امارات نے بھی پاکستان میں کورونا کیسز بڑھنے کی وجہ سے تشویش کا اظہار کرتے ہوئے، پاکستانی شہریوں پر سفری پابندیاں عائد کر رکھی ہیں۔
