ریاض(آن لائن ) سعودی عرب میں یوم پاکستان کے موقع پر ہر سال کی طرح اس سال بھی پاکستانی نوجوانوں نے سمندر کی تہہ میں قومی پرچم لہرا کر وطن سے عقیدت اور محبت کا اظہار کیا ہے۔سعودی عرب کے شہر جدہ میں پاکستانی نوجوان یحییٰ اشفاق اور عمر جان نے سمندر کی
تہہ میں جاکر پاکستانی پرچم لہرایا اور یوم پاکستان کے موقعہ پر وطن سے اپنی محبت کا بھرپور اظہار کیا پاکستانی نوجوان ہر سال قوم دنوں کے موقعہ پر اسی منفرد انداز کو اپناتے ہوئے سمندر کی تہہ میں جاکر سبز ہلالی پرچم لہراتے ہیں اور پاکستان کی ترقی و خوشحالی کے لئے دعا کرتے ہیں۔
