ممبئی (نیوز ڈیسک) بھارت کی ریاست مہاراشٹر کے دارالحکومت ممبئی کے ایک فائیو سٹار ہوٹل پر چھاپہ مارا گیا، جہاں پر ایک بالی ووڈ اداکارہ سمیت 3 خواتین کو جسم فروشی کرتے ہوئے گرفتار کرلیا گیا۔بھارتی چینل کی رپورٹ کے مطابق گورے گاؤں میں واقع ایک فائیو سٹار
ہوٹل میں جسم فروشی کی اطلاع پر پولیس نے کارروائی کی۔ ممبئی پولیس نے اہلکاروں کو گاہک کے روپ میں ہوٹل بھیجا، جہاں پر انہوں نے ایک انٹرنیشنل بیلی ڈانسر اور 2 ٹی وی اداکاراؤں کے لئے10 لاکھ روپے میں ڈیل کی۔ پولیس کے مطابق یہ ڈیل ہونے سے جسم فروشی کی بات کی تصدیق بھی ہوگئی جس کے بعد پولیس نے چھاپہ مارا اور وہاں سے 3 لڑکیوں کو گرفتار کرلیا۔ گرفتارکی گئی لڑکیوں میں ایک بالی ووڈ کی مشہور اداکارہ بھی شامل ہے۔ پولیس نے اداکارہ کا نام بتانے سے گریز کیا ہے اورکہا ہے کہ آنے والے دنوں میں معروف اداکارہ کا نام سامنے لایا جائے گا۔کچھ عرصہ پہلے حیدر آباد بھارتی پولیس نے ریاست تلنگانہ کے دارالحکومت حیدر آباد کے ایک فائیو سٹار ہوٹل میں چھاپہ مار کر قبیح دھندے میں مصروف گینگ کو پکڑا تھا، اس گینگ میں تیلگو فلموں کی 24 سالہ اداکارہ رچا سکسینا اور بنگالی ٹی وی سیریلز میں کام کرنے والی 20 سالہ اداکارہ سبھرا چیٹرجی شامل ہیں. حیدر آباد پولیس کے ڈپٹی کمشنر رادھاکشن راؤ کے مطابق پولیس کی جانب سے بنجارہ ہلز کے علاقے میں 2 فائیو سٹار ہوٹلز پر چھاپے مارے گئے۔
