دبئی (مانیٹرنگ ڈیسک) دبئی کے ہسپتال نے ایک بھارتی مریض کا ساڑھے تین کروڑ روپے کا بل معاف کر دیا، 42 سالہ بھارتی شہری راجیش لنگایاہ اوڈنالا کو 23 اپریل کو کورونا کی تشخیص ہونے کے بعد ہسپتال لایا گیاجہاں بھارتی شہری کا علاج 80 دن تک چلتا رہا اس کا ٹیسٹ جب منفی آیا تو اس وقت تک اس کا بل

سات لاکھ 60 ہزار درہم تک پہنچ چکا تھا، جب ہسپتال والوں بل کے متعلق پوچھا تو اس نے بتایا کہ اس کے پاس بل ادا کرنے کے لئے پیسے نہیں ہیں۔ اس پر ہندوستانی قونصل خانہ نے ہسپتال کو خط لکھا کہ انسانی بنیادوں پر بل معاف کیا جائے۔ قونصل خانہ کے اس خط پر ہسپتال نے بھارتی شہری کا بل معاف کر دیا۔